ഫാ. ജയരാജ് കൂന്തമറ്റത്തിൽ

ഉഴവൂർ കുന്തമറ്റത്തിൽ ജോസഫിന്റെയും കൊച്ചേലിയുടെയും അഞ്ചാമത്തെ മകനായി 7/8/1942 ൽ സ്റ്റീഫൻ ജയരാജ് (എസ്‌തപ്പായി) ജനിച്ചു. ഏഴാം ദിവസം അദ്ദേഹം മാമ്മോദീസ സ്വീകരിച്ചു. പഠനത്തിൽ മികവ് പുലർത്തിയ സമർത്ഥനായ വിദ്യാർത്ഥിയായിരുന്നു സ്റ്റീഫൻ. 1959-ൽ 17-ാം വയസ്സിൽ എൽ.എസ്.എൽ.സി. പാസായി.തുടർന്ന് അദ്ദേഹത്തിന് മുമ്പാകെ മുന്ന് മാർഗ്ഗ ങ്ങളാണുണ്ടായിരുന്നത്. കോളേജിൽ ചേരുക, കോട്ടയം സേക്രഡ് ഹാർട്ട് മൗണ്ടിലുള്ള മൈനർ സെമിനാരിയിൽ ചേരുക അല്ലെങ്കിൽ ഫ്രാൻസിസ്കൻ കപ്പൂച്ചിൻ സഭയിൽ ചേരുക. അക്കാലത്ത് ഉഴവൂർ സെന്റ് സ്റ്റീഫൻസ് പള്ളിയിൽവെച്ചു നടന്ന 1952-ലെ കപ്പൂച്ചിൻ മിഷൻ റിട്രീറ്റിൽ ഫാ. ലിയോയും സംഘവും സ്റ്റീഫനിലും അദ്ദേഹത്തിന്റെ പിതാവിലും ശക്തമായ സ്വാധീനം ചെലുത്തി, അവർ മൂന്നാമത്തെ മാർഗ്ഗം തിരഞ്ഞെടുത്തു. 1959 മേയിൽ ഭരണങ്ങാനത്തെ സെറാഫിക് സെമിനാരിയിൽ ചേർന്ന അദ്ദേഹം മൂവാറ്റുപുഴയിലെ ലൊറേറ്റോ ആശ്രമത്തിൽ തൻ്റെ ആദ്യ പ്രൊഫഷനും 1967 ൽ കോത്തഗിരിയിലെ ദ് ഫ്രിയറിയിൽ നിത്യവ്രതവാഗ്ദാനവും ചെയ്‌തു. 1969 നവംബർ 29-ന് കോതമംഗലം ബിഷപ്പിൽ നിന്ന് മൂവാറ്റുപുഴ ലൊറേറ്റോ ആശ്രമത്തിൽ വച്ച് വൈദികനായി അഭിഷിക്തനായി. പിതൃസഹോദരൻ ഫാ. സൈമൺ കുന്തമറ്റം വലതുവശത്തും മാതൃസഹോദരൻ ഫാ. ലൂക്കാസ് പതിയിൽ ഇടതുവശത്തും നിന്ന് ഉഴവൂർ സെന്റ് സ്റ്റീഫൻസ് ദേവാലയത്തിൽ വച്ച് അദ്ദേഹം തന്റെ ആദ്യ ദിവ്യബലി അർപ്പിച്ചു.
വൈദിക പട്ടത്തിനുശേഷം, അദ്ദേഹത്തിന്റെ അഭ്യർത്ഥനപ്രകാരം, 1970 മുതൽ 1973 വരെ ആഗ -ഭോപ്പാൽ മിഷനിൽ ഒരു മിഷനറിയായിട്ടായിരുന്നു അദ്ദേഹത്തിന്റെ ആദ്യ നിയമനം. തുടർന്ന് 1974-ൽ ഉപരിപഠനത്തിനായി അദ്ദേഹത്തെ പുനെയിലേക്ക് അയച്ചു. പൂനെയിലെ പേപ്പൽ സെമിനാരിയിൽ നിന്ന് MTh എടുത്തു. പൂനെ സർവകലാശാലയിൽ നിന്ന് സൈക്കോളജിയിലും സോഷ്യോളജിയിലും M.A. തുടർന്ന് മോറൽ തിയോളജിയിൽ ഡോക്ടറൽ പഠനത്തി നായി അദ്ദേഹത്തെ റോമിലേക്ക് അയച്ചു. 1978-ന്റെ തുടക്കത്തിൽ അദ്ദേഹം റോമിലെ അക്കാദമിയ അൽഫോൻസിയാനയിൽ ഡോക്‌ടറൽ പഠനം പൂർത്തിയാക്കി.
1978 ഏപ്രിൽ അദ്ദേഹം ഇന്ത്യയിലെ സെന്റ് ജോസഫ് കപ്പൂച്ചിൻ പ്രവിശ്യയുടെ പ്രൊവിഷ്യൽ കൗൺസിലറായി തിരഞ്ഞെടുക്കപ്പെട്ടു. 1981 ഏപ്രിലിൽ വീണ്ടും പ്രവിശ്യാ കൗൺസിലറായി തിരഞ്ഞെടുക്കപ്പെട്ടു. 1979 മുതൽ 1984 വരെ തൃശൂർ കാൽവരി തിയോളജിക്കൽ ആൻഡ് ഫിലോസഫിക്കൽ കോളേജിൻ്റെ റെക്‌ടറായിരുന്നു. 1984-ലും 1987-ലും സെന്റ് ജോസഫ് പ്രവിശ്യയുടെ പ്രവിശ്യാ അധികാരിയായി വീണ്ടും തെരഞ്ഞെടുക്കപ്പെട്ടു.
സെന്റ് ജോസഫ് കപ്പൂച്ചിൻ പ്രവിശ്യക്കും ഉത്തരേന്ത്യ, ആന്ധ്രാപ്രദേശ്, ഒഡീഷ എന്നിവിടങ്ങളിലെ അതിൻ്റെ ദൗത്യങ്ങൾക്കും ഗണ്യമായ വളർച്ച കൈവരിക്കുന്നതിൽ അദ്ദേഹം സുപ്രധാന പങ്കുവഹിച്ചു.
അദ്ദേഹം പ്രവിശ്യാ അധികാരിയായിരുന്ന കാലത്താണ് ആഫ്രിക്കയിലെ കപ്പൂച്ചിൻ മിഷൻ, ഇന്ത്യയിലെ സെൻ്റ് ജോസഫ്‌സ് പ്രവിശ്യയുടെ ഭാഗമായിത്തീരുന്നത്. അതുപോലെതന്നെ അദ്ദേഹം റോമിലെ ഓറിയൻ്റൽ സഭയ്ക്കുള്ള സേക്രഡ് കോൺഗ്രിഗേഷനോട് അഭ്യർത്ഥിച്ചതിൻ പ്രകാരമാണ് സെന്റ് ജോസഫ് കപ്പൂച്ചിൻ പ്രൊവിൻസ് 5.03.1988 ൽ സീറോ മലബാർ സഭയുടെ ഭാഗമായി ത്തീരുന്നത്.
1991 മുതൽ 1997 വരെ കോട്ടയം രൂപതയുടെ മലബാർ മേഖലയുടെ കണ്ണൂരിലെ റീജിയണൽ പാസ്റ്ററൽ സെന്ററിൽ വികാരി ജനറലായി സേവന മനുഷ്ഠിച്ചു.
ഈ കാലയളവിൽ St. Pius x’th College Rajapuram, PKM College of Education, Madambam, Sreepuram English Medium Higher Secondary school, ശ്രീപുരം ഷോപ്പിംഗ് കോംപ്ലക്സ്, ആകാശ പറവകൾ, മാലക്കല്ല് ഷോപ്പിംഗ് കോംപ്ലക്സ് മലബാർ മേഖലയിലെ വിവിധ സ്ഥലങ്ങളിലായി പള്ളികൾ, മഠങ്ങൾ, ഓഡിറ്റോറിയം തുടങ്ങി നിരവധി സ്ഥാപനങ്ങൾ ആവിഷ്കരിച്ചത് നടപ്പിലാക്കി.
1997 ൽ ഡിസംബർ 8-ന് മേലുദ്യോഗസ്ഥരുടെ അനുമതിയോടെ, ദരിദ്രരായ പാവപ്പെട്ടവരുടെ സേവനത്തിനായി കണ്ണൂരിൽ CAPS & DASS ട്രസ്റ്റ് രജിസ്റ്റർ ചെയ്തു. ഏതാനും വർഷങ്ങൾക്കുമുമ്പ് അദ്ദേഹം കണ്ണൂരിലെ റോഡുകളിൽ കഴിയുന്ന ഭവ നരഹിതർക്കുള്ള പ്രത്യാശഭവൻ ആരംഭിച്ചിരുന്നു. CAPS & DASS ട്രസ്റ്റിൻ്റെ സ്ഥിരതാമസക്കാരൻ എന്ന നിലയിൽ, ഭവനരഹിതർക്കും അലഞ്ഞുതിരിയുന്ന ദരിദ്രർക്കും എച്ച്.ഐ.വി., എയ്ഡ്‌സ് ബാധിതർക്കും വേണ്ടി അഞ്ച് സങ്കേതങ്ങൾ, അനാഥ ശിശുക്കൾക്കും കുട്ടികൾക്കും വേണ്ടിയുള്ള ഭവനങ്ങൾ, ഒരു മെഡിക്കൽ ലബോറട്ടറി എന്നിവ ആരംഭിക്കുന്നതിന് വരും വർഷങ്ങളിൽ അദ്ദേഹം നിർണായ പങ്ക് വഹിച്ചു. എച്ച്.ഐ.വി. എയ്‌ഡ്സ്, മാനസിക-ശാരീരിക വൈകല്യമുള്ള കുട്ടികൾക്കുള്ള സ്‌കൂൾ, കൗൺസിലിംഗ് സെന്റർ, ഹോം നഴ്‌സുമാർക്കുള്ള പരിശീലന കേന്ദ്രം, സിംഗിൾസ് ഹോസ്റ്റലുകൾ, പൊതുജനങ്ങൾക്കുള്ള ഷോപ്പിംഗ് കോംപ്ലക്‌സ്, നഴ്‌സറി മുതൽ 12-ാം ക്ലാസ് വരെയുള്ള സർക്കാർ അംഗീകൃത സ്കൂളുകൾ കണ്ണൂർ, കോഴിക്കോട്, കർണ്ണാടകയിലെ കൊക്കട എന്നിവിടങ്ങളിൽ സ്ഥാപിച്ചു.
2005 ഫെബ്രുവരി രണ്ടിന് അദ്ദേഹം പുതുതായി പുനരധിവസിക്കപ്പെട്ട പാവനാത്മ കപ്പൂച്ചിൻ വൈസ് പ്രവിശ്യായുടെ വൈസ് പ്രൊവിൻഷ്യാലായി നിയമിതനായി. 2008 ജൂലൈ 14 വരെ അദ്ദേഹം പാവനാത്മ വൈസ് പ്രവിശ്യയുടെ വൈസ് പ്രൊവിൻഷ്യൽ ആയി സേവനമനുഷ്ഠിച്ചു.ശാന്തി ആശ്രമം കുണ്ടായിത്തോട്, സെന്റ് തോമസ് ചർച്ച് മലപ്പുറം എന്നിവിടങ്ങളിലെ ഇടവക ശുശ്രൂഷകൾക്ക് ശേഷം 21.04.2011 കർണാടകയിലെ ബൽത്തങ്ങാടി രൂപതയിലെ നെല്ലിയാടി, അർള, ഇച്ചിലംപടി എന്നിവിടങ്ങളിൽ ഇടവക വികാരിയായി നിയമിതനായി. ഇക്കാലയളവിൽ അർള സെന്റ് മേരീസ് പള്ളിയും സെൻ്റ് ഫ്രാൻസിസ് സ്കൂളും പാവപ്പെട്ടവരുടെ ഭവനവും മേരി മാതാ കപ്പൂച്ചിൻ ആശ്രമവും കൊക്കടയിലെ എഫ്.സി.സി. കോൺവെന്റ് എന്നിവ രൂപവത്ക്കരിച്ച് നിർമ്മിക്കുകയും ചെയ്തു‌.
2016 ഏപ്രിൽ 13-ന് പാവനാത്മ പ്രൊവിൻഷ്യൽ വികാരിയായി തിരഞ്ഞെടുക്കപ്പെട്ടു. 2019 മെയ് 1-ന് അദ്ദേഹം പാവനാത്മ പ്രവിശ്യയിലെ വികാർ പ്രൊവിൻഷ്യാളായി തിരഞ്ഞെടുക്കപ്പെട്ടു. പ്രവിശ്യാ അധികാരിയായിരിക്കെ, ആറ് പുതിയ കപ്പുച്ചിൻ ആശ്രമങ്ങൾ ആരംഭിക്കുന്നതിലും ഗുജറാത്തിൽ പവിത്രാത്മ മിഷൻ ആരംഭിക്കുന്നതിലും യുണൈറ്റൈഡ് കിംഗ്‌ഡത്തിലെ കപ്പൂച്ചിൻ പ്രവിശ്യയുമായി സഹകരിച്ച് ഔപചാരികമായ ബന്ധത്തിൽ ഏർപ്പെട്ടതിലും അദ്ദേഹം അത്യധികം സന്തോഷിച്ചു.
2022 മെയ് ആദ്യം പ്രവിശ്യാ അധികാരി എന്ന നിലയിൽ കാലാവധി പൂർത്തിയാക്കിയ അദ്ദേഹം പവിത്രാത്മ മിഷനിൽ ചേർന്നു. ഗുജറാത്തിൽ ഷംഷാബാദ് രൂപതയിലെ ഗുജറാത്ത് റീജിയനിലെ അങ്കലേശ്വറിലെ മേരിമാതാ പള്ളിയിലാണ് അദ്ദേഹം ഇപ്പോൾ താമസിക്കുന്നത്. എൺപതാം വയസ്സിൽ അങ്കലേശ്വറിൽ സീറോ മലബാർ മിഷൻ സംഘടി പ്പിക്കാനുള്ള ശ്രമത്തിലാണ് അദ്ദേഹം. നമുക്കെല്ലാവർക്കും അദ്ദേഹത്തിനും അങ്കലേശ്വറിലെ അദ്ദേ ഹത്തിന്റെ ദൗത്യത്തിനും വേണ്ടി പ്രാർത്ഥിക്കാം. അദ്ദേഹത്തിന്റെ ഇപ്പോഴത്തെ വിലാസം:-
ഫാ. സ്റ്റീഫൻ ജയരാജ് ofmcap C/o ജോൺസൺ കെ ജോർജ് എം/എസ്.ജെ.കെ. എഞ്ചിനീയറിംഗ് ആൻഡ് കമ്പനി പ്ലോട്ട് നമ്പർ 5003/1GIDC അങ്കലേശ്വർ ബറൂച്ച് ജില്ല, ഗുജറാത്ത് 393002 മൊബൈൽ : 8762524926